မထေရ်မြတ်တို့ ရုပ်ပုံလွှာ (မှော်ဘီမြို့၊ သာသနာ့ဝန်ဆောင်ဆရာတော်)

တခါတရံမှာသာ

on Thursday, January 5, 2012

''တခါတရံမှာသာ''

Source, Logic, Research
Theravāda, Mahāyāna
Pālinikāya Doctrine
Architecture, Psychotherapy
Subject တွေ အလီလီနဲ့
တက္ကသိုလ်ရဲ့ ပညာတွေကို
ဒို့တတွေ သင်ယူလိုက်တာ
၂၀၁၁- ပညာသင်နှစ်တောင်
ကုန်မှန်းမသိ ကုန်ခြဲ့ပီပေါ့။

အချိန်တန်ရင် အိမ်ပြန်ရသတဲ့
နာရီတွေကဘဲ မြန်တာလား
ရာသီတွေကဘဲ မမှန်တာလား မသိ
စာလီတွေကို လွမ်းချင်ပေမဲ့
ဇာနည်တွေကတော့-
မကြာခင်ကာလမှာ
စာမေးပွဲကြီးပြီးလို့
တက္ကသိုလ်ပညာသင်ကြားရာ
ဟောဒီ လင်္ကာမြေမြတ်ကို
အပြီးအပိုင် လက်ပြနှုတ်ဆက်
အမိမြေဆီ အိပ်တန်းတက်ရတော့မယ်
ကျန်ခဲ့သူတွေလဲ ရှိမှာပေါ့လေ။

ဒါပေမဲ့လေ
တွေ့ ကြုံ ဆုံ ကွဲ လောကဓမ္မတာထဲမှာ
အလွမ်း အဆွေးဆိုတာ
ဒို့ အတွက်မှ မဟုတ်ပဲ
ကိုယ့်လမ်း ကိုယ်ရှောက်
ကိုယ့်ပန်း ကိုယ်ကောက်
ဒူး မထောက်ကြေး လက်မမြောက်ကြေး
အပြုံးမပျက်ကြေး အမုန်းမဖက်ကြေး
သစ္စာမဖောက်ကြေး မေတ္တာမပျောက်ကြေးပေါ့။

အမိမြေကို ပြန်ရောက်ရင်သာ
ကိုယ့်မြေ ကိုယ့်ရွာ ရောက်ရာဒေသနယ်ပယ်မှာ
တက္ကသိုလ်က ပေးလိုက်တဲ့
အသိဉာဏ်လက်ဆင့်ကမ်း ဝေငှခွင့်တွေနဲ့
လိုအပ်တဲ့နေရာတွေမှာ
အသိဉာဏ် လမ်း တံတားတွေ
ပြင်ဆင် ခင်းကျင်းခွင့်တွေနဲ့

ကျရာတာဝန်တွေ ထမ်းဆောင်
လှပတဲ့ အိပ်မက်တွေကို
ကိုယ်တိုင် ထုဆစ် ဖော်ဆောင်လျက်
ဘ၀အမောတွေကို ကျော်ဖြတ်
မအားလပ်တဲ့ ကြားကနေ
တခါတရံမှာသာ ……
သတိရ နေတတ်ခဲ့ကြမယ်ဆိုရင် .....

2011-ခုနှစ်၊ သီရိလင်္ကာနိုင်ငံ ကေလနိယတက္ကသိုလ်တွင် အတူတကွ ပညာသင်ယူခဲ့ကြသော M.A ကျောင်းသား ညီတော် နောင်တော်များသို့ ရည်ညွှန်းဖွဲ့ဆိုသည်။

မိုးဆောင်းနွေ (သံလျင်)

0 comments:

Post a Comment