မထေရ်မြတ်တို့ ရုပ်ပုံလွှာ (မှော်ဘီမြို့၊ သာသနာ့ဝန်ဆောင်ဆရာတော်)

ကြယ်ကလေးမို့ ညကိုရွေးတယ်

on Wednesday, January 18, 2012

ကြယ်ကလေးမို့ ညကိုရွေးတယ်
  ကျွန်တော့်မျက်နှာကို
မှန်ထဲပြန်ကြည့်လိုက်တဲ့အခါ
ထွက်သစ်စ ၀က်ခြံတွေ
အရွယ်ရောက်ပြီး ၀က်ခြံတွေက
သူတို့ရဲ့ အမိမြေလို
တရင်းတနှီး လက်ပွန်းတတီးဖြစ်နေတာ
မြင်ရတယ်။

        သည်နေ့ကို လပြည့်နေ့ဟု အထူးပြုသတ်မှတ်ကာ လူအများပျော်ရွှင်ကြပါသည်။ အကြောင်းအမျိုးမျိုးကြောင့် လူတွေ ပျော်အောင်နေကြသည်။ ၀မ်းနည်းစရာများရှိနေသည့်တိုင် လူတွေ ပျော်ကြသည်။ သည်နေ့သည် ရုံးပိတ်ရက်လည်းဖြစ်ပါသည်။ တစ်နေကုန် ကျွန်တော့်အဖို့ သွားစရာနေရာ မရှိပါ။ မည်သူ့ထံသို့မျှလည်း သွားချင်စိတ်မရှိ။ တစ်စုံတစ်ယောက်ထံ ဖုန်းဆက်ဖို့ကို လည်း ကျွန်တော် မေ့ချင်ယောင်ဆောင်နေလိုက်သည်။
        သည်လိုနေသောအခါ ကျွန်တော့်အဖို့ အထီးကျန်မှုသည် အလိုလိုပင် ၀င်ရောက်လာပါသည်။ သက်ပြင်းများချကာ တစ်ယောက်တည်း ၀မ်းနည်းနေမိသည်။ မနက်ခုနစ်နာရီထိုးမှ ကျွန်တော် အိပ်ယာက နိုးလာသည်။ တစ်ယောက်တည်းဟူသော အသိစိတ်က နည်းနည်းတော့ တုန်လှုပ်စေ သည်။ သို့ပေမဲ့ လွတ် လွတ်လပ်လပ် ဖြစ်နေခြင်းကြောင့် စိတ်သက်သာရာတော့ ရသေးသည်။
ကျွန်တော့်မှာ သားသမီးလည်းမရှိ၊ ဇနီးမယားလည်းမရှိပါ။ ထို့အတူ တစ်ယောက်ယောက်ကို အထူးပြုနေဘို့ လည်း မရှိပါ။ ကျွန်တော့်မှာ ကျွန်တော်သာရှိပါသည်။ တစ်ယောက်တည်း စာအုပ်တစ်အုပ်ကို ချိုင်းကြားညှပ် ကာ လဖက်ရည်ဆိုင်သို့သွားသည်။ ပုံမှန်တစ်ခွက်သောက်သည်။တစ်ချက်တစ်ချက် လမ်းမဘက်သို့ ငေးမော ကြည့်မိသည်။ စာအုပ်ထဲမှ ကဗျာတွေဖတ်ကြည့်သည်။ တစ်ကြောင်းနှစ်ကြောင်းဖတ်ပြီး ဟိုလှန်သည်လှန် လုပ်နေမိသည်။
လဖက်ရည်သောက်ပြီးသောအခါ အဆောင်သို့ပြန်လာသည်။ တစ်ခုခုတော့ လုပ်မှဖြစ်မည်။ ကျွန်တော့် အထီးကျန်မှုကို ကုစားရန်အတွက် အလုပ်ကို မိတ်ဆွေဖွဲ့ရတော့မည်။ ပြဌာန်းစာ စာအုပ်တစ်အုပ်ကို ကောက်ကိုင်ကြည့်သည်။ စာအုပ်က ကျွန်တော် နှင့် နည်းနည်းစိမ်းနေသလိုပင်။
“ မာရီလင်း မွန်ရိုး ”၊ “ နိုဝင်ဘာမိုး ” . .စသည့် ကျွန်တော် စိတ်ဝင်စားနိုင်မည့် စာအုပ်တွေအပေါ် မျက်စိ ကစားမိသည်။ စိတ်မ၀င်စား။ ဘာလုပ်ရမှန်းမသိသောကြောင့် ကိုယ့်မျက်ခုံးမွှေးကို ဖိကုတ် နေမိသည်။ သည်လိုနေလို့ မဖြစ်သေးပါ။ ကွန်ပျူတာကို ဖွင့်ကြည့်သည်။ စာနည်းနည်းရေးရရင် ကောင်းမလား။ မရေးချင်သေးပါ။ သည်လိုနှင့် ဂိမ်းဆော့နေလိုက်သည်။ ကျွန်တော် မနိုင်သည့် ဂိမ်းကို ရွေးဆော့သည်။ ခဏခဏရှုံးနေလည်း ထပ်ဆော့မိပါသည်။ကျွန်တော်က တစ်ခါတစ်ရံ နိုင်ရတာထက် ရှုံးရတာကိုပိုပြီး စိတ် ၀င်တစားရှိသည်။ အနိုင်ရချင်သူတွေ များလှသည့်နေရာတွင် အရှုံးကို ဆုလာဘ်တစ်ခု လို ဖက်တွယ်ထား ချင်မိပြန်သည်။
“ ရှုံးစမ်း . .ရှုံးစမ်း . . . ဘာမှမကျန်တော့လောက်အောင် ရှုံးစမ်း ”။ ကျွန်တော့် အရှုံးမာနက ရုန်းကြွနေ သည်။ အနိုင်ကို သယ်ပိုထားရတာထက် အရှုံးကို ဖက်ထားချင်သည်။ မျက်စိကို တင်းတင်းမှိတ် အံစေ့စေ့ ကြိတ်ပြီး အရှုံးကို တစ်ဖန် ပြန်စမိသည်။
တစ်နာရီ . . .နှစ်နာရီ . . .။
တစ်ဘ၀ . . .နှစ်ဘ၀ . . .။
8 8 8
ကျောက်ခဲယောင်ဆောင်နေတဲ့
ထမင်းတစ်ဆုပ်စာအတွက်
မနားတမ်း လမ်းလျှောက်နေရသူ ငါ့အတွက်
နှလုံးသားရပ်ဝန်းမှာ မိုးသည်းပါစေ ဆုတောင်းဘို့
အိပ်မက်တွေကို ဘယ်မှာ လိုက်ရှာရမလဲ . .။

          ကျွန်တော် စာအုပ်ဖတ်လိုက် ဂိမ်းဆော့လိုက်ဖြင့် အချိန်ဖြုန်းနေမိသည်။ ကိုးနာရီခွဲခန့်တွင် ကျွန် တော့်ထံ ဧည့်သည် တစ်ယောက်ရောက်လာသည်။ အဆောင်ပြင်ဘက်မှ ကျွန်တော့်နာမည်ကို ခပ်အုပ်အုပ် မေးလိုက်သည့်အသံကို ကြားရကတည်းက ညီမလေးဆိုတာ ကျွန်တော်သိသည်။ သိသည်နှင့်တပြိုင်နက် ကွန်ပျူတာကို ပိတ်လိုက်သည်။ ကွမ်းတံတွေးများ ပေကျံနေသည့် ပါးစပ်ကို ပလုတ်ကျင်းလိုက်သည်။
““ ညီမလေး ဘာစားခဲ့ပြီးပြီလဲ ””
““ ဟင့် . .အင် ဘာမှမစားရသေးဘူး၊ ငါအဝေးကွင်းကနေ လာခဲ့တာ ””
ကျွန်တော် သုံးခါလောက်မေးမှ သူမက ပြန်ဖြေသည်။ ညီမလေးအတွက် ကော်ဖီတစ်ခွက်ဖျော်ပေးလိုက် သည်။ ကျွန်တော့် အနားမှ ပြန့်ကျဲနေသည့် မုန့်ထုပ်များကို လိုက်စုကာ ညီမလေးရှေ့ ချပေးလိုက်သည်။ ညီမလေး ခေါင်းရမ်းသည်။
““ ဟင့် . .အင် . . ငါ ဘာမှမစားချင်ဘူး ””
““ ဘာမှ မစားလို့ဖြစ်မလားကွ၊ တစ်ခုခုတော့ စားရမှာပေါ့ ””
သူမသည် ကျွန်တော့်စကားကို နားမထောင်ပါ။ ကျွန်တော်ချပေးလိုက်သည့် ကော်ဖီခွက်ကို ခပ်တွေတွေ စိုက်ကြည့်နေသည်။
““ ဘယ်မှာလဲ ငါတောင်းထားတဲ့ စာအုပ် ””
““ လူတစ်ယောက် ငှားသွားတယ် ””
““ ငါထင်တယ်၊ ထင်ပါတယ်ဟာ . .၊ နင် အဲလိုမျိုး ဖြစ်မယ်ဆိုတာ ငါသိတယ်၊ ငါ အဝေးကြီးက လာခဲ့ရတယ်၊ မရဘူးဆိုတာလည်း ကြိုသိခဲ့တယ်၊ ဒေါသ ကြိုထွက်ခဲ့ပြီးပြီ၊ ငါ ပြန်မယ်ဟာ ””
ညီမလေးက စိတ်ပျက်လက်ပျက်ဖြင့် သူ့အိတ်ကို ကောက်ဆွဲတော့ ကျွန်တော့်ရင်ထဲမှာမကောင်း။ စိတ်တစ် ဖက်ကလည်း သည်အရွယ်ရောက်လာသည့်တိုင် ကလေးလေးလို ပြုမူချင်သေးသည့် သူမကို ရယ်ချင်နေမိ သည်။ ကျွန်တော် စိတ်မထိမ်းနိုင်စွာ ရယ်မောမိတော့ သူမပိုပြီး ဒေါသ ထွက်သွားသည်။
““ ငါ ပြန်မယ် ဒီမှာနေရင် ပိုပြီး စိတ်တိုရမယ်၊ အရယ်ခံနေရမယ် ”
ကျွန်တော့် ရယ်မောခြင်းများကို နှုတ်ခမ်းထောင့်တစ်နေရာတွင် စေ့ထားလိုက်ပြီး လက်စသတ် လိုက်ပါ သည်။ ညီမလေး အသက်မှာ မငယ်တော့ပါ။ အထူးကုဆေးခန်းတစ်ခုတွင် အလုပ်ဝင်နေ သည်မှာ နှစ်နှစ် ပင်ရှိခဲ့ပြီ။ စာအုပ်တွေ ဖတ်လွန်းသောကြောင့် တည်ငြိမ်ရင့်ကျက်သည့် မျက်နှာ ထားတစ်ခုကိုလည်း သူမ ရထားပြီ။ သည်နှစ်ထဲမှာပင် သူအိမ်ထောင်ကျခဲ့သည်။ သူတို့ဆေးခန်းမှာ ပင် အစ်မဟု သူမကို ခေါ်ကြ သည်။ ကျွန်တော်နှင့် တွေ့မှသာ ကလေးပေါက်စလေးလိုဖြစ်နေတာ။
သူမကျေနပ်သွားစေရန်အတွက် စာအုပ်စင်ပေါ်မှ မဂ်္ဂဇင်းစာအုပ်များကို လှန်လှောပြီး ချပေးလိုက် သည်။ ကျွန်တော့် ၀တ္ထုများကို တွေ့သောအခါ ကလောင်နာမည်ကိုကြည့်ပြီး ပြုံးနေသည်။ သူမ၏ နှုတ်ခမ်း တွန့်လေးထဲမှာ အဓိပ္ပါယ်ပေါင်းများစွာ ပါကြောင်း ကျွန်တော်သာ သိပါသည်။
““ အဲဒီစာအုပ်ကို ဒီနေ့ မရနိုင်ဘူးလား၊ ””
““ အဝေးကြီးပဲ ငါသွားမယူနိုင်ဘူး၊ နောက်ပြီး အမျိုးသမီးတွေများတဲ့အိမ်ကို ငါခဏခဏ မသွားနိုင်ဘူး ””
ကျွန်တော် ခပ်မာမာ ပြောသောအခါ သူမက သဘောကျကာ ရယ်မောသည်။
““ အေးပါဟာ . .၊ အဲဒီစကား တစခွန်းနဲ့တင်ပဲ ဒီနေ့ ငါ ဒီကို လာရတာ တန်ပါတယ်၊ ””
ညီမလေးသည် တစ်ယောက်တည်းနေမည်ဟု ဖွင့်ဟထားသူ၊ စာရေးဆရာဟု ကိုယ့်ကိုယ့်ကို သတ် မှတ်ထား သူ ကျွန်တော့်ထံမှ တစ်စုံတစ်ရာသော အမျိုးသမီးများနှင့် ပတ်သက်သည့် နာမည်ဆိုးသတင်းကြားရမည်ကို စိုးရိမ်ပုံရသည်။ ညီမလေးလည်း ရယ်မောပြုံးရွှင်ရင်း ကျွန်တော်ဖျော်ပေးသည့် ကော်ဖီခွက်ကို ဖြည်းဖြည်း ညင်းညင်း သောက်လေသည်။
8 8 8

ငါ့ကို မကြည့်နဲ့
ငါ နေ့တိုင်းရေလောင်းပေါင်းသင်နေတဲ့
ဟိုနားက သစ်ပင်ကိုကြည့်
သူ့မှာတောင် ရင်သားတွေပေါ်လို့ . . ။

       ဆယ်နာရီခွဲခန့်တွင် ညီမလေးသည် ကျွန်တော့်ထံမှ ပြန်သွားသည်။ သူ့အဆောင်ရှိရာ စမ်းချောင်းသို့ ပြန်သွားခြင်းဖြစ်သည်။ကျွန်တော် ကားဂိတ်ထိ သူမကို လိုက်ပို့လိုက်သည်။ ကျွန်တော့်ခေါင်းပေါ်ရှိ နေမင်း သည် အရှိန်အဟုန်ဖြင့် သူ၏ စူးစူးရှရှ အလင်းရောင်ကို လောက ထဲသို့ ပို့လွှတ်နေပြီ။ ကျွန်တော် အဆောင် သို့ ပြန်ရောက်လာပြီ။ ကျွန်တော့်တို့အဆောင်မှာ မည်သူ မျှမရှိ။ နေ့ထူးနေ့မြတ်ဖြစ်သောကြောင့် အဆောင် မကပ်ကြခြင်းဖြစ်သည်။ ကျွန်တော့်အတွက်တော့ နေ့ထူးနေ့မြတ်ဆိုတာမျိုးမရှိပါ။ ရက်ရာဇာလည်းမရှိ။ ပြဿဒါးလည်း မရှိ။ စကားပြောရာတွင် ဟာသမြောက်ရုံသာလျှင် ရက်ရာဇာ ပြဿဒါးကို ကျွန်တော်သုံး သည်။
အမြဲတစ်စေ အာရုံငါးပါးကို လက်ခံတုန့်ပြန်နေတတ်သူ ကျွန်တော့်အတွက် အထီးကျန်မှုဝေဒနာသည် ရုတ်တရက် ၀င်ရောက်လာသည်။ ကျွန်တော် သည်လိုတစ်ကိုယ်တည်း မနေချင်ပါ။ တစ်ခုခုကို အဖော်ပြု မှဖြစ်မည်။ အာရုံကင်းဆိတ်သည့် ဝေဒနာနှင့် ကျွန်တော်အတူ မနေလိုပါ။ အဆောင်၏ အလည်တည့်တည့် မှာ ချထားသော ပက်လက်ကုလားထိုင်ပေါ်တွင် ထိုင်မိ သည်။ ကျွန်တော့်စိတ်တွေကို အဖော်ပြုမှ ဖြစ်တော့ မည်။ သက်သောင့်သက်သာ အနေအထားကို ရအောင် အကြောများကို ဖြန့်ပြီး ထိုင်သည်။ ထို့နောက်တွင် ကျွန်တော့်အတွေးများကို ရောက် တတ်ရာရာ ဆွဲထုတ်ဆန့်တန်းမိသည်။ ထိုင်ကာစမှာ ကျွန်တော့်အတွေး များက စီစီရီရီ ရောက်မလာပါ။ သူတို့လည်း ဘုရားဖူးသွားချင်နေသည် ထင်ပါသည်။ သို့သော် သိပ်ကြာကြာ မစောင့်လိုက် ရ။ အတွေများက ကျွန်တော်ခေါ်ရာသို့ လိုက်လာသည်။
    ပထမဆုံးတွေးမိသော အတွေးမှာ မောင်ထွန်းသူ မြန်မာပြန်သည့် ကင်မီလီ စာအုပ်ထဲမှ “ သမီးလမ်းတစ် ခုကို ရွေးမယ်ဆိုရင် သေသေချချာ စဉ်းစားပြီးမှ ရွေးချယ်ပါ၊ ဆုံးဖြတ်ပါ၊ဘာကြောင့်လဲဆိုတော့ လမ်းတစ်ခု ကို ရွေးမိပြီဆိုရင် အဲဒီလမ်းကို ကိုယ်မလျှောက်ချင်ဘဲလည်း ဆက်လျှောက်ရတတ်တယ် ”” ဟူသော စာသားဖြစ်သည်။ တွေးမိသည်ဆိုခြင်းထက် သတိရလာ သည်ဟုဆိုလျှင် ပိုမှန်ကန်နိုင်သည်။ “ ရွေးချယ်မှု ” ဟူသော ခေါင်းစဉ်ကို ကျွန်တော် စဉ်းစားနေမိ သည်။ လူတစ်ယောက်မှာရှိနေသည့် ရွေးချယ်ပိုင်ခွင့် . .။ ငြင်းဆိုခွင့်။ ရွေးချယ်မှုဟူသည်မှာ အခွင့် အရေးအပေါ်တွင် အများဆုံးမူတည်နေတတ်လေသလား . .။
““ ဘ၀လမ်းကို စရွေးပြီး တာထွက်ကတည်းက မှားလိုက်တော့ ဘာမှကို လုပ်လို့မရတော့ဘူး ””။ သည်စကားလုံးကို ကျွန်တော့်သူငယ်ချင်းတစ်ယောက် မကြာမကြာ သုံးတတ်သည်။ ““ ရွေးချယ်မှု မှားလိုက် တာနဲ့ ဘ၀က မြုံသွားတာပဲ ”” .. စသည့် စကားလုံးများသည် ကျွန်တော့်ခေါင်းထဲတွင် အမျှင်အတန်းလိုက် ပေါ်လာသည်။
လူတစ်ယောက် ရွေးချယ်မှု မှန်ကန်နိုင်ရန်အတွက် အချိန်ကာလလိုသည်။ မိမိ ရွေးချယ်လိုက်သည့် အရာ မှန်ကန်စွာ ဖြစ်ထွန်းနိုင်ရန်အတွက် အချိန်ကာလသည် နံပါတ်တစ်နေရာမှ ပြဌာန်းသည်။ ထို့နောက် နေရာ ဒေသလိုပါသည်။ နေရာကို မလွဲချော်အောင် ရွေးချယ်တတ်ပါမှ မိမိ သွားလိုသည့် လမ်းကြောင်းသည် ဖြောင့်ဖြူးလိမ့်မည်။ မိမိကိုယ်တိုင်၏ အားထုတ်မှုများနှင့်၊ အထောက်အပံ့ပြည့် စုံမှုလည်း လိုပါသည်။
သည်အကြောင်းအရာကို စဉ်းစားမိသောအခါ ကျွန်တော်တို့ ငယ်စဉ်က သင်ခဲ့ရဖူးသည် ဘီလုံး ငှက်နှင့် စွန်ရဲငှက် အကြောင်း ပုံပြင်လေးကို သတိရလာသည်။ ဘီလုံးငှက်လေးတစ်ကောင်ကို စွန်ရဲငှက်က သုတ်ချီပျံသန်းလာသည်။ ဘီလုံးငှက်ကလေးက သေးငယ်လွန်းသောကြောင့် စွန်ရဲငှက်က ခြောက်ထောက် ကြားမှာပင် ထည့်ထားနုိုင်သည်။ လေထဲတွင် ပျဲဝဲနေသည့် စွန်ရဲငှက်အား “ ငါ့နေရာမဟုတ်လို့ ငါရှုံးရတယ် ”ဟု အထပ်ထပ်ဆိုသည်။ ဒေါသထွက်လာသည့် စွန်ရဲငှက်က နေရာ အကြောင်းပြောလွန်းသည့် ဘီလုံးအား သည်းမခံနိုင် ဖြစ်လာသည်။ ဘီလုံးငှက်က စွန်ရဲငှက်အား ဒေါသထွက်စေအောင် ပြောဆိုနိုင်ခြင်းသည် ရန်သူ့ထံမှ အခွင့်အရေးကို ရရှိခြင်းလည်း ဖြစ်သည်။
စွန်ရဲငှက်က ဘီလုံးအား သူ့နေရာဟုဆိုသော နွားခြေရာခွက်ကလေးထဲသို့ ချပေးလိုက်သည်။ ““ ဒီနေရာဟာ ငါ့နေရာမှန် ပဲ၊ မင်းမသေချင်ဘူးဆိုရင် စတိုက်နိုင်ပြီ၊ ငါ့ရဲစိန်ခေါ်မှုဟာ ငါ့ရဲ့အောင် ပွဲပဲ ”” ဟု ဘီလုံးငှက် ကလေးက စွန်ရဲကို စိန်ခေါ်သည်။သည်စကားလုံးက စွန်ရဲအား အကြီး အကျယ် ဒေါသဖြစ်စေခဲ့သည်။ ရန်သူဒေါသထွက်လေ ကိုယ့်အတွက် အောင်ပွဲရရန် နီးစပ်လေ ပင်ဖြစ်သည်။ ကောင်းကင်မှ တစ်ရှိန်ထိုး ဆင်းလာသည့် စွန်ရဲကို စိန်ခေါ်ကာ ဘီလုံးငှက်က တွင်းထဲ ၀င်ပုန်းနေလိုက်သည်။ အုံးခနဲ မည်ဟီးသွားသည့် စွန်ရဲငှက်ရင်အုပ်နှင့် နွာခြေရာခွက်မြေ၏ တိုက် ခတ်သံသည် ဘီလုံးအဖို့ အောင်ပွဲပင်ဖြစ်သည်။ ကိုယ့်ကိုယ်ကို အင်အားကြီးသည်ဟု အထင်ရှိနေသူ ကောင်းကင်မှ စွန်ရဲသည် ကိုယ့်ဒေါသကိုယ် မထိမ်းနိုင် ဘဲ ဆက်လက်တိုက်ခိုက်သည်။ သည်ပွဲတွင် စွန်ရဲငှက် ရင်ကွဲကာ ရှုံးပွဲနှင့်ကြုံသည်။
     ကျွန်တော် သည်ပုံပြင်ကို သိပ်ကြိုက်သည်။ သူတစ်ပါးအား ပြောမပြသော်လည်း သတိရသည့် အခါတိုင်း အထပ်ထပ်တွေး သည်။ အမှန်တရားဘက်မှာ ရပ်တည်ပြီး ခွန်အားနည်းနေသူများကို တွေ့မြင်ရတိုင်း နေရာ မှန်ကို ရွေးချယ်နိုင်ရန် သည်ပုံပြင်လေး ကို ပြောပြချင်မိသည်။ ခွန်အား နည်းလွန်းသည့် ဘီလုံးလို ငှက်က လေးအား အနိုင်ကျင့် သုတ်ယူစားသောက်မည့် စွန်ရဲ၏ စိတ်ဓာတ်ကို ကျွန်တော်အထင်မကြီးတာ သေချာ သည်။

8 8 8

    ကျွန်တော့် အထီးကျန်မှု ဝေဒနာသည် ဖြည်းဖြည်းချင်း လျှော့ကြသွားသည်။ အဓိပ်္ပါယ်ရှိသည့် သွေးနှလုံး ခုန်သံသည် ဖြည်းဖြည်းခြင်း ခုန်လာသည်။ သည်နေ့ မည်သူ့ထံ အဆက်အသွယ်လုပ်ရ မလဲဟု စဉ်းစားမိ သည်။ တစ်ခါတစ်ရံတွင် အရေးတကြီး မဟုတ်ဘဲ ဖုန်းဆက်ရခြင်းများ၊ နွေးထွေး မှု မပျယ်စေရန် တစ်စုံတစ် ယောက်ထံ စာရေးနေရခြင်းများကို ကျွန်တော် မုန်းတီးပါသည်။ သည်နေ့တော့ဖြင့် ကျွန်တော် မည်သူ့ကိုမျှ အဆက်အသွယ် မလုပ်ချင်ပါ။ စာလည်း မရေးချင်ပါ။
          တွေးလက်စ အတွေးကို ကျွန်တော် ဆက်တွေးမိသည်။ ဒုတိယ တွေးမိသောအကြောင်းအရာမှာ အမှန်တရားဖြစ်သည်။ အန်္ဓပုထုဇဉ်အဆင့်သာရှိသော ကျွန်တော်သည် မြတ်ဗုဒ္ဓဒေသနာမှ မွန်မြတ် လှသည့် သစ္စာလေးပါးအကြောင်း မစဉ်းစားနိုင်သေးပါ။ အမှန်တရားဘက်ရောက်လာအောင် ကြိုစားနေသူများ အကြောင်း၊ အမှားနည်းနိုင်သမျှနည်းအောင် လုပ်ဆောင်နေကြသူများ အကြောင်းကိုသာ တွေးတောဖြစ်ပါ သည်။
တစ်နေ့တွင် ကျွန်တော်သွားနေကြ မဂ်္ဂဇင်းတိုက်တစ်ခုသို့ ရောက်ခဲ့သည်။ သူငယ်ချင်း တစ်ယောက်နှင့် အတူလာခြင်း ဖြစ်သည်။ မဂ်္ဂဇင်းတိုက်သို့ ရောက်သောအခါ ထူးထူးထွေထွေ လုပ်စရာမရှိသောကြောင့် စာပေစိစစ်ရေးသို့ တင်ရန်ချုပ်ထားသည့် မဂ္ဂဇင်းစာအုပ်တစ်ခုကို လှန်ဖတ်မိသည်။
“ ဥမ္မတ္တကဧကာဒိတော ” . .။ စာအုပ်ထဲတွင် သည်ခေါင်းစဉ်ကို တွေ့လိုက်ရသည်။ ပါဠိစာပေနှင့် မစိမ်းလှ သူ ကျွန်တော်က သည်ခေါင်းစဉ် မှားနေကြောင်းကို သိသည်။ ပါဠိစာပေကို မရေးနိုင် မပြောနိုင်သည့်တိုင် မှားနေလျှင်တော့ ကျွန်တော် သိပါသေးသည်။
““ သည်ခေါင်းစဉ်ကြီးက မှားနေတယ်၊ ဘယ်လိုလုပ်ထားတာလဲ ””
အယ်ဒီတာ့မျက်နှာကို မကြည့်ဘဲ တိုက်ရှေ့မှ ပိတောက်ပင်ကို ကြည့်ကာ ပြောမိသည်။
““ မှားနေလား၊ မှားနေရင် ပြင်လေ၊ မှားရင် ပြင်ရမှာပေါ့၊ အမှားအတိုင်းထားလို့ ဘယ်ဖြစ်ပါ့မလဲ ””
ကျွန်တော် မျှော်လင့်မထားသည့် စကားကို အယ်ဒီတာက ဆိုသည်။ သူ့စကားအတိုင်းအတာသည် လုံးဝ ပွင့်လင်း လွတ်လပ်လှပါသည်။ ငြင်းခုန်ရတော့မည်ဟု ထင်နေသော ကျွန်တော်ပင်လျှင် ရုတ်တရက် ကြောင် အမ်းအမ်းဖြစ်သွားပါသည်။ ကျွန်တော်သာဆိုလျှင် မိမိလုပ်ထားသည့် အလုပ်တစ်ခုကို “ ဘာ့ကြောင့်မှားတာ လဲ၊ ဘယ်လိုမှားတာလဲ ” စသည်ဖြင့် စောဒက ၀င်ကာ ငြင်းခုံနေမိဦးမည်။ သည်လို အမှားကို လွယ်လွယ် ကူကူ ပြင်ပေးဖို့ ဖိတ်ခေါ်နိုင်လိမ့်မည် မထင်ပါ။
အမှားကိုပြင်ဆင်ရန် လွယ်လင့်တကူ ဖိတ်ခေါ်နိုင်သည့် အယ်ဒီတာ့စိတ်ဓာတ်ကို ကျွန်တော် သဘောကျနေ မိသည်။ ကျွန်တော်တို့ ပုထုဇဉ်များသည် အမှားများသော သတ်္တ၀ါများဖြစ်သည်။ ကဗျာဆရာ တစ်ယောက် ကဆိုလျှင် ““ ကိုးဆယ့်ကိုး ရာခိုင်နှုန်း မှားမှ လူသားလား ”” ဟုပင် ကဗျာတစ်ပုဒ်တွင် ရေးခဲ့ဖူးသည်။
ကျွန်တော်တို့ ကြုံတွေ့နေရသော လူကြီးလူငယ်ပြဿနာ၊ အဖွဲ့အစည်းမညီညွတ်မှု ပြဿနာ . .စသည့် မရေတွက်နိုင်သော မလိုအပ်မှု များစွာသည် အမှားကို ၀န်မခံနိုင်တာမှ စတင်ခြင်း သာဖြစ်သည်။ အအေးသောက်လိုက် စာဖတ်လိုက်ဖြင့် နေကျလုလု အချိန်တွင် အယ်ဒီတာနှင့် ကျွန်တော်သည် ကိစ်္စတစ် ခုဖြင့် စာပေစိစစ်ရေးသို့ တက္ကစီငှားကာ သွားခဲ့သည်။
““ ဦးက စာရေးဆရာလား ””
““ မဟုတ်ပါဘူးကွ၊ မဂ်္ဂဇင်းတိုက်ကပါ ””
တက်္ကစီသမားက မေးသောကြောင့် အယ်ဒီတာက ပြန်ဖြေခြင်းဖြစ်သည်။ အယ်ဒီတာသည် သူကိုယ် တိုင် ကဗျာဆရာ၊ စာရေးဆရာပင်ဖြစ်သော်လည်း စာရေးတတ်သည်ဟု ၀န်မခံပါ။ ကိုယ့်ကိုယ်ကို စာရေးဆရာ ကဗျာဆရာဟု ၀န်မခံသောကြောင့် အမှားတစ်စုံတစ်ရာ မဖြစ်နိုင်ဟု ဘေးမှ ကျွန် တော် စဉ်းစားမိသည်။
““ ဦးတို့ မဂ်္ဂဇင်းက ဘယ်လိုမျိုးတွေထည့်တာလည်း၊ အချစ်ဝတ်္ထုတွေလား၊ ဖြစ်ရပ်မှန်တွေလား၊ ကျွန်တော် လည်း စာရေး ချင်လို့ ””
““ အဲဒီလိုမဟုတ်ပါဘူး၊ ပြည်သူတွေရဲ့ဘ၀၊ အမှန်တရားဘက်က ရပ်တည်ထားတာမျိုးကို ထည့် တာပါ၊ ရေးချင်လည်း ရေးပေါ့၊ ကျွန်တော်တို့ဘက်က အမှန်တရားဆို ကြိုဆိုပါတယ် ””
တက်္ကစီဆရာက ဘာမျှမပြောတော့ပါ။ အမှန်တရားဆိုတာ ဘာလိုမျိုးလဲဟု စဉ်းစားနေပုံရသည်။ အယ်ဒီတာလည်း သူ့အမှန်တရားကို ပြန်လည်ဆင်ခြင်ပြီး ငြိမ်သက်သွားသည်။ ဘေးမှ ကျွန်တော်လည်း ကိုယ့်စိတ်နှင့်ကိုယ် မီးပွိုင့်တွေကို ငေးကြည့် မိနေသည်။ 
တက်္ကစီလေးကား တရွေ့ရွေ့ . . .။

8 8 8

         မနက်က လဖက်ရည်တစ်ခွက်သာသောက်ပြီး အတွေးများနေသူ ကျွန်တော့်ထံသို့ ဆာလောင်မွတ် သိပ်မှုသည် အချက်ပြ ကာ ၀င်ရောက်သည်။ လဖက်ရည်တစ်ခွက်၊ ညီမလေး၊ အထီးကျန်မှု၊ နေရာမှန် စသည်တို့ကို စိတ်မှ ခဏခွါချကာ ရေချိုးကန်သို့ ဆင်းလာခဲ့သည်။
ရေချိုးပြီး တစ်ခုခု စားရပါဦးမည်။ ရေတစ်ခွက်ကို ညင်ညင်သာသာ ခပ်ပြီးချိုးလိုက်သောအခါ ကျွန်တော့် ခန်္ဓာမှ အပူဓာတ်သည် ငြိမ်းအေးသွားသည်။ အေးစက်သည့်အသိကို ခန်္ဓာကိုယ်မှတဆင့် ရရှိသည်။
               အမှန်တရားဆိုတာ သည်ရေတစ်ခွက်လို အေးစိမ့်စေပါသလား . . .။ ။
 သားအေးည
 

0 comments:

Post a Comment